أحبك ولا ما أحبكيش

عادة ما يتردد الانسان في ان ما كانت حبيبته تحبه ام لا

ولكن هنا يتردد هل يحبها ام لا عن طريق ورده فيقطع وردة ويقول احبها وورقة اخرى ويقول ما احبكيش

فهيا نرى ما يقول

أحبك ولا ما أحبكيش

مسكت وردة..
قطعت ورقة..
وتاني ورقة..
قطعت غيرها..
أحبك ولا ما أحبكيش؟؟

ورقة أولى..
شفت فيها إسمك أنت.

ورقة تانية..
شفت فيها عينك أنت.

ورقة تالتة..
شفت فيها قلبك أنت.

ورقة رابعة..
شفت فيها حبك أنت.

ورقة خامسة..
شفت فيها ذكرياتي.

ولا قلب الوردة ديه..
ولا غصن الوردة ديه.

ورقة أولى اسمك أنت..
اسمك أنت ده نحته في قلبي جوه..
واتحكى عنه حكاوي.
لأنه خلى القلب دوه..
يحبه هوه.

ورقة تانيه عينك أنت..
عينك أنت لونها دابح..
من جمالها والملامح..
رسمة الرمش اللي جارح.

ورقة تالته قلبك أنت..
قلبك أنت ده جماله من جمالك..
من حلاوته قلبي مال وجه حكالك..
لكن أنت يا ست مالك..
أحلى من القلب اللي جالك.

ورقة رابعة حبك أنت..
حبك أنت ده حكاية في ألف بيت..
نحكي حبك للكبار ..
يشربه الناس الصغار ..
يطلعوا يحبوا الحياة..
ويبنوا مدنى وألف بيت.

ورقة خامسة ذكرياتي..
اللي فاتت من حياتي..
وحتى ذكرى لسه جايه.
بصي شايفه من بعيد.
مسكت بايدي الوردة ديه.

قطعت ورقة..
وتاني ورقة..
قطعت غيرها..
أحبك ولا ما أحبكيش؟؟

ولا قلب الوردة ديه.
بسمتك في المغربية.
شمس بتمسي عليكي..
تسيبلك الدنيا في هدية.

ولا غصن الوردة ديه.
لونه أخضر لون حنانك..

حتى طوله زي صبرك ده عليه.

و فـ نعومته..
زي لمسة من ايديكي..

حتى شوكه..
حتي شوكه زي شوكك..
وأنت بتحامي عليه.

مسكت وردة..
قطعت ورقة..
وتاني ورقة..
قطعت غيرها..
أحبك ولا ما أحبكيش؟؟