اسيب قلبى للحب تانى
صعب وممكن انجرح تانى
ايوه مشدود ليكى
وحاسس بالامل فيكى
بس مش عارف ليه قلبى خايف
يمكن علشان مفيش غيرك شايف
احترت ....و لسه خايف
خايف اسلم قلبى ليكى
يرجع مجروح بايديكى
تعبت واحتار دليلى فيكى
اسيب قلبى للحب تانى
صعب وممكن انجرح تانى
قلبى حاسس انك مجروح
ويمكن عايش حلاوه روح
خايف اقرب ترجعنى بجروح
وارجع اعيش حلاوه روح
احترت واحتار دليلى فيكى
والمشكله انى حاسس بالامل فيكى
حاسس جوايا بصوت بيقول يارتنى قابلتك من سنين
مكنتش قضيت حياتى حزين
معقول كان وعد نتقابل بعد سنين
قضتها وانا لوحدى حزين
تعبت فيها من الالم والحزن والاوهام
دانا كنت عايش من غير روح
وقلبى كان مليان جروح
فى لحظه ليقت روحى ريحالك
ولقتنى بفكر فيك وفى احوالك
معقوله ده حب تانى
ليه ياقلبى رمتنى للحب تانى
مش كنا اتفقنا بلاش حب تانى
ليه ترجع للسهر من تانى
ولنار الحب وحيرته تانى
احترت فيك يا قلبى ومتقولش الذنب مش ذنبى
اعمل ايه انا دلوقتى
اجرى واروح ابوح له
تعبت منك يا قلبى ليه سبتنى اروح له
خايف الومك على شىء انا مرتحاح له
ادينى بوحت وقولتلوا حتى قلبى فتحت له
اخرتها ايه وياك يا قلبى
من انا كنت وياك مخبى
ولا انتا بيقت غاوى تعبى
اخرتها ايه وياك يا قلبىى
موضوع: ادينى بوحت وقولتلوا حتى قلبى فتحت له 
الأحد مايو 20, 2007 3:46 pm
